Blog神的咀咒 (ஐ 抒色國度 ஐ)

JC | 18th Sep 2006 | 博事 | (842 Reads)

大家今次對呢個題目係咪有少少不明所以呢?

呢個標題我都係突發奇想..不過我諗就相當之貼切啦..

因為正正係我身上發生緊..亦都經常發生..

我地常見既blog友..應該都有呢種情況發生係佢地身上..

大家一齊黎睇下..究竟呢個係一個咩既咀咒?

唔知大家有冇發現當你寫blog時就會一寫停唔到手?
會唔會自己寫完blog之後or閒來無事時仲要周圍去睇人地既blog?
好多人都應該有用rss或者其他方法去track人地既blog出新文章?
仲會唔會鍾意周圍去留言..希望大家一齊黎交流溝通做個朋友仔?

我相信好多人都有..我自己就係其中一個..
其實講到blog..我唔係新手..當初用既係Xanga, 已經係2001年既事..
之後轉咗去用Yahoo..但係我嫌Yahoo呢個BSP提供唔到好既blogging service..
所以最後轉咗黎依家既Sina blog..已經用咗接近4個月..

我諗係轉換BSP既同時, 我亦將我Blog既性質改變..當初既Xanga主要都係朋友仔睇..
所以形式上同依家呢個唔同..Xanga時期我比較係講番自己既事同生活, 比較似日記.
到係Yahoo就開始係轉型既初期, 開始會出啲比較大眾都有興趣睇既Web log..
而現在係Sina..就主攻性同男女方面既題材 (詳情可於改變.. 一文中觀看)

我諗有人都會好似我咁..一見到啲只講自己生活既blog就會轉去睇第2個..
(在此簡稱"生活blog")
例如今日做咗啲咩..見過啲咩人之類..不過我相信都有而生活做骨幹既blog係做得好既..
可能因為大部份既呢啲生活blog比較沒有共鳴, 又或者係因為冇咩討論空間..

亦有另一種係主題blog..好似我呢種就係主題blog..比較專攻一方面既題材..
好似Middle既純屬虛構就係講故事既blog..刁民公園集中講時事, 又或飲食blog等等..
又或者係blogger本身同blog有種共鳴, 例如星屑醫生佢既blog都係圍繞住比較醫學既野..
而且佢自己本身係基督徒, 仲另外開多個blog叫星屑醫生的信仰分享

我自己就比較鍾意睇呢啲比較有主題性, 有討論同思考空間既blog..
唔知你地同唔同意呢? 可能係因為比較能同blogger一齊分享意見同感受..
所以係blogger同讀者之間既互動性就會比較強, 變相就比較易交到朋友..
又或者係呢個比較接近Web log既主要意義?

其實我所講既Blog神的咀咒就係blog有種魔力, 會令你欲罷不能..
而呢種欲罷不能我相信佢既形成係由Blogger同讀者之間既互動所製造出黎既..
寫既人enjoy..又或我所謂既寫得有point, 就會有更多讀者投入去睇..
Blogger寫得有心機, 讀者睇得入心, 就更容易創造共鳴同討論互動既空間
我認為咁先至會更鼓勵Blogger去寫佢以後既每一篇文章..
有時候雖然大家都未必想變得浮誇..唔係話特別去注重名次同受歡迎程度..
不過不可否認既係閱讀數、留言、排名同推介都係Blogger既推動力..
知道自己所寫既野係受人喜愛, 知道有人會讀自己既文章係一件好開心既事..
變相Blogger會更用心去寫..寫得越好就越多人去睇..
不斷循環之下發現只會寫得越黎越好, 越黎越開心..

我相信呢個就係主題blog同生活blog既最大分別..
當中同讀者既互動係生活blog比較少有, 當中所得到既滿足感同愉悅感係不能形容既..
係沉醉於呢種開心同分享既心情既時候..你就會好自然花更多時間係blog上面..
不但只係寫blog..就好似亞占咁..佢每日都會寫大約3篇log..
你仲會周圍去參觀人地既blog, 有時你睇完會留個言就算..
有時你可能會再番去同一個blog度一睇再睇..呢種吸引力可以話係無窮既..
就好似地球既地心吸力咁, 係晌好自然同不察覺之下產生..

以我自己為例..我大概上緊網就會有60%時間花係blog上面..
好似keep track我睇開既blog有咩新log..又或者望下推介文章同排行榜..
直至早少少既時候Middle係文章隨機中提到Sina既隨機網誌功能..
我先發現我一路以黎都忽略咗佢..因為咁我亦開始我以後每日既隨機行動..
係咁我就發現原來出面都有好多好好既blog..可能係我地平時係排行榜度睇唔到既..
好多時我都係留言就走..好少番轉頭再睇..除非我對佢既blog好有興趣..
不過單係睇到一篇文章令自己想表達意見, 同Blogger分享已經係blog既其中一個意義..
有時人地會跟住黎睇番你個blog..留言感謝你去留過言, 由呢度開始咁簡單既互動..
可能就已經令你更想去睇下出面blog既世界..簡單既一句留言就可以認識到唔同既人..

我諗我個60%blog時間中既45%係用係睇blog上..去睇下唔同既野..認識唔同既人..
學懂不同既事物..去參與討論其實對自己都係一個頗大既得著..
俾自己去接觸出面既萬千世界, 等自己既眼光可以放遠啲..再成長多啲..
話唔定呢個亦係blog既意義之一?
而且我寫blog既次數亦多咗頻密咗..係因為原來生活中係有好多野令到自己去思考..
令到自己有想同大家分享既衝動..不過有時奈何手不及思緒快, 寫唔切咁多 ^^

我想講係Sina呢度我認識咗好多唔同既人..我有我經常去既blog..
亦有經常黎睇我blog既朋友仔..好多謝你地一路以黎既支持..
而好多謝你地所寫既blog令我學到唔同既野..
係Sina呢度寫blog對我黎講真係好開心..果種識到朋友同被鼓勵既感覺好好..
感到自己既努力係有人睇得到..係有人認同既..對自己係一種鼓舞..
而我亦由當初既自閉Blogger..到依家既四處留言同參觀..亦係咀咒下既一種轉變..
好多謝你地..令到我同我既blog一同成長!

而我所講既blog神的咀咒自從我係Sina寫blog之後就出現咗啦!!
就係我開始半夜三更唔瞓仲係blog度流連..我會依家病緊仲寫blog
我會聽日要交assignment都照寫..好似依家咁..I'm just hopeless!!
我會周圍去八下..做個名乎其實既小八婆..
我會不分晝夜忙閒都要上黎睇下..我會定時update自己既blog有冇留言
(雖然其實唔係咁多人黎我度睇同留言 )

雖然被Blog神咀咒, 但係我係度都好開心..
I have enjoyed my time blogging, have you?

留言(45) | 引用(1) | 話題(有感而發)

[45]

路過呢度，覺得你講既野好有趣。
我前排咁啱寫寫 blog 會寫到失眠，而因為失眠又繼續寫 blog ，真係受到咀咒咁喎。

[引用] | 作者 Gideon | 17th Dec 2006 | [舉報垃圾留言]

[44] Re:

睇題目就知寫咩咁勁? @o@

jovi :
我是愈來愈懶溜sina的blog了,
因為有時太熟悉,看見某blogger寫某題目便大約知道他會說什麼!!!haha罪過!
竟然今天才來看你這個有趣的blog!^^
真要抽回時間在sina了!

[引用] | 作者 JC | 7th Nov 2006 | [舉報垃圾留言]

[43]

我是愈來愈懶溜sina的blog了,
因為有時太熟悉,看見某blogger寫某題目便大約知道他會說什麼!!!haha罪過!
竟然今天才來看你這個有趣的blog!^^
真要抽回時間在sina了!

[引用] | 作者 jovi | 7th Nov 2006 | [舉報垃圾留言]

[42] Re:

冇法啦..不過我比較似係長氣女人多啲囉~~ :p

葉一知 :
好長好長....., 你真係blog神上身!

[引用] | 作者 JC | 28th Sep 2006 | [舉報垃圾留言]

[41] Re:

我都覺..不過唔係好識係邊有得set字距~~ @@

sidekick :
我用firefox, 你d 內文d 字好密, 最好有少少字距~

[引用] | 作者 JC | 28th Sep 2006 | [舉報垃圾留言]

[40]

好長好長....., 你真係blog神上身!

[引用] | 作者葉一知 | 27th Sep 2006 | [舉報垃圾留言]

[39]

就係想話你知, 各人browsr 有少少出入, 我scoll 最盡反而睇唔到~
前少少反而ok~
一般寫留言時, 你會scoll 最盡居多啦~
我用firefox, 你d 內文d 字好密, 最好有少少字距~

[引用] | 作者 sidekick | 27th Sep 2006 | [舉報垃圾留言]

[38] Re:

係啊..呢篇個個都話好長~ XD 我都估唔到會越寫越長..
嗯..人係會成長架嘛..所以用blog記錄自己既轉變都唔錯..

留言驗證呢..只要你張個畫面scroll到最盡就會睇到..唔會遮住架啦!
個底圖好花? 我試下再較淺啲..或者轉色啦~ ^o^

sidekick :
專登過o黎睇~
嘩! 咁長o既?
唔... 你令我諗起, 當寫了blog, 將很多事情記下了時, 偶爾回望, 就會從中發現自己的轉變~
你就是一個好好的例子啦! ^o^
(你個留言驗證o係firefox 疊住張圖, 爭d 睇唔到個number啊~)
呢個textarea o既底圖亦太花, 打字有d辛苦~~~ @_@

[引用] | 作者 JC | 26th Sep 2006 | [舉報垃圾留言]

[37]

專登過o黎睇~
嘩! 咁長o既?
唔... 你令我諗起, 當寫了blog, 將很多事情記下了時, 偶爾回望, 就會從中發現自己的轉變~
你就是一個好好的例子啦! ^o^

(你個留言驗證o係firefox 疊住張圖, 爭d 睇唔到個number啊~)

呢個textarea o既底圖亦太花, 打字有d辛苦~~~ @_@

[引用] | 作者 sidekick | 25th Sep 2006 | [舉報垃圾留言]

[36] Re:

其實我都只係2~3日先打一篇blog..
寫既時間唔長..而且都只有10幾個%..
反而係周圍去睇同留言既時間長好多..

紫色平原主人 :
其實你可以精簡你所說的東西﹐那就不用長篇大論﹐要花很多時間去打和edit﹐這樣好能會減少你被咀咒的時間﹗不過我承認在鮮奶博可以玩成日架﹗

[引用] | 作者 JC | 22nd Sep 2006 | [舉報垃圾留言]

[35]

其實你可以精簡你所說的東西﹐那就不用長篇大論﹐要花很多時間去打和edit﹐這樣好能會減少你被咀咒的時間﹗不過我承認在鮮奶博可以玩成日架﹗

[引用] | 作者紫色平原主人 | 22nd Sep 2006 | [舉報垃圾留言]

[34] Re:

Hang你都中咗毒啦..
睇黎個個中blog毒既都被毒得好開心~ 嘻嘻

poonwinghang :
其實野先唔講
你似乎已經中左Blog 毒
祝你中毒快樂~

[引用] | 作者 JC | 21st Sep 2006 | [舉報垃圾留言]

[33] Re: 我收收埋埋嘛～

我未見過你留你個blog地址..仲以為你冇添..

W :
我有架～仲毋早過妳～係呢度～

[引用] | 作者 JC | 21st Sep 2006 | [舉報垃圾留言]

[32]

其實野先唔講
你似乎已經中左Blog 毒
祝你中毒快樂~

[引用] | 作者 poonwinghang | 21st Sep 2006 | [舉報垃圾留言]

[31] 我收收埋埋嘛～

JC :
但係W你好似自己冇寫blog架wor~~
快啲黎加深自己既blog癮啦~ XD
W :
大家一齊中咒啦～

我有架～仲毋早過妳～係呢度～

[引用] | 作者 W | 21st Sep 2006 | [舉報垃圾留言]

[30] Re:

或者應該咁講啦..因為原全冇表情符號, 所以很容易解讀錯誤~ ^^
不過我份人比較冇咩所謂而且係好玩得..只不過見你第一次黎留言就咁大整蠱..我俾你嚇驚咗 :p

Blog對我黎講其實都冇一個特定既定義..
我講既都只不過係我對blog既少少觀感啦..
始終Blog既世界咁大, 我睇既只不過係冰山一角而已..
而且個人意見黎啫..正如你既意見係唔為Blog下定義咁..係咪? ^^

亦都好多謝你黎留言..咁樣可唔可以叫做不打不相識? 嘻嘻~~
點都好啦..得閒既就多啲黎望下啦! ^^

二氧化碳 CO2 :
唔好意思，或者本人之話太狂妄了，令你有點誤會，本人全無惡意的。
頭一部份，純是戲言，望見諒。
至於，Blog定義那問題，是我由衷感覺，我只想蜻蜓點水式說說己見，我沒想過反對閣下，只因心中各有把尺，坦白說，若阿碳想狠狠詳辯，我留的話不會那麼短，這是你家，我得尊重閣下，我只想輕描淡寫，才留一句而已。
CO2

[引用] | 作者 JC | 21st Sep 2006 | [舉報垃圾留言]

[29] Re:

係啊係啊..所以我依家都越寫越密..
而且仲好長氣..篇文長到我自己都唔想睇~ XD

阿銀 :
寫blog係會上癮架~
有人肯睇自己嘅文章,真係好有滿足感.

[引用] | 作者 JC | 21st Sep 2006 | [舉報垃圾留言]

[28] Re:

呵呵~ 唔緊要..以後得閒多啲過黎行下啦..

貝兒 :
謝謝你的留言,
我之前用隨機網誌功能黎過,
不過無留個言tim,
補番先~

[引用] | 作者 JC | 21st Sep 2006 | [舉報垃圾留言]

[27] Re:

明既明既..我都有去睇過佢既blog..

W :
阿碳只不過講下笑啫，請不用介意～佢其實係一個好好先生黎～

[引用] | 作者 JC | 21st Sep 2006 | [舉報垃圾留言]

[26] Re: Re:

婆婆..小妹冇能力玩啊~ XD
我好細個架咋..真係差少少就出局架啦..
不過真係冇相係澳洲..接唔到..下次有機會我實接既!!

金婆婆 :
咁不如妳玩埋20年前的我啦,我叫唔曬呀!

[引用] | 作者 JC | 21st Sep 2006 | [舉報垃圾留言]

[25]

唔好意思，或者本人之話太狂妄了，令你有點誤會，本人全無惡意的。

頭一部份，純是戲言，望見諒。

至於，Blog定義那問題，是我由衷感覺，我只想蜻蜓點水式說說己見，我沒想過反對閣下，只因心中各有把尺，坦白說，若阿碳想狠狠詳辯，我留的話不會那麼短，這是你家，我得尊重閣下，我只想輕描淡寫，才留一句而已。

CO2

[引用] | 作者二氧化碳 CO2 | 21st Sep 2006 | [舉報垃圾留言]

[24]

寫blog係會上癮架~
有人肯睇自己嘅文章,真係好有滿足感.

[引用] | 作者阿銀 | 20th Sep 2006 | [舉報垃圾留言]

[23]

謝謝你的留言,
我之前用隨機網誌功能黎過,
不過無留個言tim,
補番先~

[引用] | 作者貝兒 | 20th Sep 2006 | [舉報垃圾留言]

[22] Re:

JC :
Blog神咀我? @@ 唔要啊..我淨係要我男朋友咀我架咋!
嘩! 恭喜sexy婆婆一黎我既blog留言就hit中我既留言數200..
為咗多謝你..送支花俾你!
金婆婆 :
呢個呢...唔係咀咒,係Blog神咀妳呀!

咁不如妳玩埋20年前的我啦,我叫唔曬呀!

[引用] | 作者金婆婆 | 20th Sep 2006 | [舉報垃圾留言]

[21]

阿碳只不過講下笑啫，請不用介意～佢其實係一個好好先生黎～

[引用] | 作者 W | 20th Sep 2006 | [舉報垃圾留言]

[20] Re:

真係唔好意思啦..我個人係比較長氣 :p
不過我既文章一般黎講都係偏長..
如果你唔鍾意睇長篇大論既野..話者試下分開黎睇啊 ^^

不過呢..我將我成篇野再睇過我都唔知我有將Blog定義wor? @@
你可唔可以話我知你係邊度睇到啲咁既野? @@
我只係講述一啲我係blog既世界入邊見到既現象, 同一啲個人對blog既感想同觀點..
我從來都冇state out過blog就係咩..
我只係有提過我認為blog中既某啲意義..咁樣唔代表blog既全部..

其實blog可以係好個人化既野..你可以認為佢係咩就咩..有人當佢係寫作平台..有人當佢係日記等等..
咁唔代表blog就一定係咁..佢都可以變成其他野, 視乎你點睇佢..解讀佢..

依家我係咁睇blog同bloggin既世界, 唔代表你要認同, 當然各人有各人既論點..

之但係, 唔好意思, 我唔知你係咪無意..
我認為你呢個留言既語氣唔係太好
你可以批評唔認同, 但唔代表你可以用不善既語氣黎留言.
如果係我解讀錯誤, 我同你講句orry