話咁快又到年尾啦，考試臨近，本女王亦要開始準備。
雖然照我一貫慣例係會將放係睇小說上網既時間多過溫書。
除咗大學既試之外，我亦終於報了我考車的試，日子是11月2日。
應該會安安全全考到個P番黎既，咁樣我以後去邊都方便好多。

大學既考試我將會係11月7號、15號、19及20號應考。
希望生生性性，穩妥地一次過KO晒所有科目，ALL PASS！
咁樣呢，我就可以順順利利畢業啦～　等呢日等到好苦啊！
順道一提，學校既唔知咩system有問題，我某啲已讀科目沒有credit。
所以我要呢幾日要去搞定，要不然all pass都未畢業都幾shit。

早2日，阿媽玩完一輪反轉再反轉搞到我心情十分之差之後呢。
佢延遲回港無望，我既機票上起飛日子又改咗啦，哈哈！
我將會秉承我既一貫作風，就係前腳考完試後腳上機。
所以我將會由weekend到香港改成22日星期四晚上到。
誠邀有車人士黎接我機，冇車唔緊要，請我搭taxi都得。

所以通知大家一聲，我就番香港啦，行街睇戲食飯唔好唔記得預埋我一份。
另外本人十分之有興趣搵part-time，大約會係3個月左右。
工種傾向任何Marketing、Advertising、HR、PR、event organising。
當然啦，如果十分之合心水的，唔排除我會直接以後就留係香港番工。
多謝各位兄弟姊妹相助，冇工介紹唔緊要，幫我搵下門路or預埋我玩都ok。

今日講住咁多，係時候埋位讀書，之於係教科書定小說就．．嘻嘻．．