又係一年一度JC女王回歸香港懷抱大行動啦！
歡迎大家繼續黎參與我組織既飯局。
個人黎講，我覺得上次安排上有點疏忽，其實邊度唔妥我講唔出，總之就差咁啲。
不過好在大家都好自得其樂，所以今年繼續邀請各位新知舊友俾面出席。
人數我打算一圍12位左右，當然如果多人可以開多圍，唔知仲有冇咁大號召力。
今次既主題係打邊邊，事關我真係好掛住好多唔同既野食。
不過睇人數黎講，打邊邊應該係最熱鬧好玩，唔搶冇得食遊戲。
大家當日會有幸見到本女王為美食拋棄儀態氣質，雖然其實都冇乜。
去邊度打我暫時未有idea，有冇人有好主意？留個言啦。
歡迎各位恩愛夫妻拖友携眷出席，另呼籲認識什麼帥哥猛男都可以一起出現。
本人正為構思中的個人攝影集尋找貌美身材正之男model一名。
其實如果人多，我不介意辦一個mini集體相睇！哈哈哈哈！！
我暫定的日子為 12月1(星期六)。
麻煩有興趣朋友於留言時訂位並提出最能配合之日期及時間。
名額有限，報名從速！
講住咁多先啦，我下午仲要考試！
後日就會arrive香港！！OH YEAH!!!!
